Í Haukdæla þætti í Sturlungu segir af Gissuri lögsögumanni Hallssyni „að hann var bæði vitur og málsnjall ... og hinn besti klerkur þeirra er á landi hafa verið. Oft fór hann af landi brott og var betur metinn í Róm en nokkur annar íslenskur maður hafði verið fyrir hann af mennt sinni og framkvæmd. Gissuri varð víða kunnugt um suðurlöndin og þar af gerði hann bók þá er heitir Flos Peregrinationis.“ Þetta rit er eitt af allmörgum glötuðum latínuritum Íslendinga frá fyrri öldum.